24 qyrkúıekte Nur-Sultan qalasynda Kaspıı óńirinde eńbekti qorǵaý, ónerkásiptik qaýipsizdik, qorshaǵan ortany qorǵaý jáne áleýmettik jaýapkershilik máselelerine arnalǵan SPE Sımpozıýmy (SPE – Munaı-gaz ónerkásibi ınjenerleriniń qoǵamy) óz jumysyn bastady. Kazakhstan Energy Week 2019 aıasynda ótkizilip jatqan sımpozıýmnyń negizgi uıymdastyrýshysy bolyp «QazMunaıGaz» UK AQ tabylady. Bul týraly atalmysh kompanııanyń jurtshylyqpen baılanys departamenti habarlady.
Is-sharany SPE tehnıkalyq dırektory Iohana Danlop, QR Ekologııa, geologııa jáne tabıǵı resýrstar mınıstri Maǵzum Myrzaǵalıev, QMG Basqarma tóraǵasy Alık Aıdarbaev, NCOC basqarýshy dırektory Rıchard Hoýv, KAZENERGY bas dırektory Bolat Aqsholaqov, Munaı jáne gaz óndirýshileri halyqaralyq qaýymdastyǵynyń qaýipsizdik boıynsha dırektory Olav Skar ashty.
Sımpozıýmǵa Kaspıı óńirinde qyzmet etetin 300-den astam munaı-gaz kompanııalarynyń ókilderi, sondaı-aq ónerkásiptik qaýipsizdik boıynsha álemdik jáne jergilikti sarapshylar qatysýda. Talqylaý tabıǵı resýrstardy utymdy paıdalaný, áleýmettik jáne ekologııalyq jaýapkershilik taqyryptaryn qamtydy. Qatysýshylar ónerkásiptik qaýipsizdik salasynda ınnovasııalardy engizý tájirıbesimen almasty.
Aıta keteıik, QMG is-sharanyń uıymdastyrýshysy bolýy kezdeısoq emes. Búginde kompanııa jaraqat alýdyń, jazataıym oqıǵalardyń jáne ekologııaǵa jaǵymsyz áserdi boldyrmaýǵa yqpal etetin aldyn alýdy júzege asyrýǵa erekshe nazar aýdarýda. 2019 jyldyń basynan beri óndiristik jaraqat alý oqıǵalary 25%-ǵa tómendetildi. Alaıda kompanııa jazataıym oqıǵalar boıynsha nóldik kórsetkishterge qol jetkizý maqsatynda úzdiksiz jańa ádistemelerdi izdestirýde.
Mańǵystaý oblysy